D ვიტამინი და მისი მნიშვნელობა ჩვენს ორგანიზმში
d ვიტამინი და მისი როლი
d ვიტამინი ცხიმში ხსნადი, ჰორმონის მსგავსი სტრუქტურის ვიტამინია, რომლის ძირითადი ფუნქციაა სისხლში კალციუმის და ფოსფორის დონის მუდმივობის შენარჩუნება, ძვლის სიმკვრივის უზრუნველყოფა და აქტიური მონაწილეობა ნივთიერებათა ცვლის პროცესებში.
მრავალი კლინიკური კვლევით დასტურდება d ვიტამინის გავლენა იმუნურ, გულ-სისხლძარღვთა, ნერვულ, რეპროდუქციულ სისტემების გამართულ ფუნქციონირებაზე.
d ვიტამინის დეფიფიციტის გამომწვევი მიზეზები
ნაკლები მზის სინათლე, ზამთრის სეზონი d ვიტამინის დეფიციტზე პირდაპირ ზეგავლენას ახდენს, რადგან მზის სინათლეში არსებული ულტრაიისფერი სხივების მოხვედრის შემდეგ ხდება ორგანიზმში დ ვიტამინის წარმოქმნა. რადგან ცივი სეზონის პერიოდში მზის სხივებს ნაკლებად ვეფიცხებით, სხეული საგულდაგულოდ არის დაფარული თბილი სამოსით, მოსახლეობის უმეტესი ნაწილი დ ვიტამინის დეფიციტს განიცდის. მისი ნაკლელობა კი ხშირად იწვევს:
- ძვლების და კუნთების დაავადებებს
- სასუნთქი სისტემის ინფექციურ დაავადებებს
დეფიციტის დროს, პაციენტებს ხშირად აწუხებთ
- თმის ცვენა
- კანის სიმშრალე
- ადვილად მსხვრევადი ფრჩხილები
- ჭარბოფლიანობა
- სისუსტე
- დეპრესიული განწყობა
თუმცა, სავსებით შესაძლებელია, უსიმტომოდაც მიმდინარეობდეს.
d ვიტამინი და ბუნებრივი წყაროები
ქვემოთ წარმოდგენილია ის ბუნებრივი წყაროები, რომლებიც d ვიტამინის მიღებაში დაგეხმარებათ. ესენია:
- სასურველია, შესაძლებლობისთანავე დღის განმავლობაში 15-20 წუთით მაინც მიეფიცხოთ მზეს
- თევზეული და თევზის ცხიმი (ორაგული, თინუსი, სკუმბრია) საუკეთესოა კვების რაციონში შესატანად, უწყობს ხელს ძვლების გამაგრებას, ამცირებს გულის დაავადებებს, შეუცვლელი პროდუქტია სახსრებისთვის, ხშირად მას ბუნებრივ „ანტიდეპრესანტადაც“ მოიხსენიებენ
- რძე და რძის პროდუქტები საკმაროდ კარგი წყაროა d ვიტამინის
- სოკო, ერთადერთი მცენარეული პროდუქტია, რომელიც დ ვიტამინს შეიცავს
- მცირე რაოდენობით, თუმცა კვერცხიც შეიცავს დ ვიტამინს.