თოდუას კლინიკა ჯანდაცვის საერთაშორისო აკრედიტაციის მფლობელია

ჩვენთვის ფასდაუდებელია თითოეული ადამიანის სიცოცხლე და ჯანმრთელობის ხარისხი.

 

2024 წლის შემოდგომას გავხსენით მესამე ფილიალი დიღომში, ჩვენს გუნდს შემოუერთდა არაერთი პროფესიონალი ექიმი, ჩვენი მატერიალურ-ტექნიკური ბაზა განვაახლეთ ულტრათანამედროვე ტექნოლოგიებით და წლის ბოლოს კი, კიდევ ერთი, უმნიშვნელოვანესი აღიარებაც მოვიპოვეთ - ჯანდაცვის საერთაშორისო სტანდარტების ავსტრალიის საბჭოს (ACHSI) შეფასების შედეგად, თოდუას კლინიკა ჯანდაცვის საერთაშორისო აკრედიტაციის მფლობელია! 

 

კლინიკამ მიიღო საერთაშორისოდ აღიარებული სერტიფიკატები არაერთი მიმართულებით, მათ შორის, ამბულატორიული, ჰოსპიტალური, ონკოლოგიური სერვისების მაღალი ხარისხისა და სანდოობისთვის.

აღნიშნული სერტიფიკატები ადასტურებს, რომ კლინიკაში ხორციელდება უსაფრთხო და მაღალი ხარისხის მომსახურება, რომელიც დაფუძნებულია საერთაშორისოდ აღიარებულ სტანდარტებზე!

 

ACHSI-ის შეფასებით ჩვენს მიერ დანერგილი სტანდარტები და კლინიკაში მიმდინარე პროცესები ორიენტირებულია პაციენტების, პერსონალისა და ყველა დაინტერესებული მხარის უსაფრთხოებაზე, კეთილდღეობასა და საუკეთესო ინტერესებზე, რაც უზრუნველყოფს ხარისხის უწყვეტ გაუმჯობესებას.

 

მადლობას ვუხდით თითოეულ თანამშრომელს, რომლებიც 34 წელია ღირსეულად ემსახურებიან პაციენტებს და სთავაზობენ მაღალი ხარისხის სამედიცინო მომსახურებას!

მადლობას ვუხდით ბასსელ ელ საიეს, ACHSI -ის რეგიონალურ დირექტორს, რომელიც პირადად გვესტუმრა ჯილდოების გადმოსაცემად.