ჭიხორია თამარ

რომელ დაავადებებს მკურნალობს კარდიოლოგი?

კარდიოლოგია შეისწავლის გულს, მის ანატომიას, ფიზიოლოგიასა და პათოლოგიებს, იკვლევს გულის დაავადებათა გამომწვევ მიზეზებს და ნერგავს უახლეს მიდგომებს მათ სამკურნალოდ და პრევენციისთვის. 

კარდიოლოგი ექიმია, რომელიც გულისა და სისხლძარღვთა სისტემის დაავადებების დიაგნოსტიკასა და მკურნალობაში სპეციალიზდება. ის მკურნალობს ფართო სპექტრის პათოლოგიებს, მათ შორის:

გულის იშემიურ დაავადებას

მდგომარეობას, როდესაც გულის კუნთი, კორონარული არტერიების დაზიანების გამო, საკმარისი რაოდენობის ჟანგბადს ვერ იღებს;

გულის უკმარისობას

მდგომარეობას, როდესაც გული ვერ ტუმბავს სისხლს ორგანიზმის მოთხოვნილებების შესაბამისად;

სარქვლოვან დაავადებებს

 გულის სარქვლების შევიწროებას, გაუკუღმართებას ან არასაკმარის ფუნქციონირებას;

არითმიებს

გულის რიტმის დარღვევებს, რაც მოიცავს ისეთ მდგომარეობებს, როგორიცაა წინაგულოვანი ფიბრილაცია, პაროქსიზმული ტაქიკარდია და სხვა;

თანდაყოლილ გულის მანკებს - ანომალიებს გულ-სისხლძარღვთა სისტემაში, რომლებიც არსებობს დაბადებიდან;

კარდიომიოპათიებს

გულის კუნთის პირველად დაზიანებას სხვადასხვა გამომწვევი მიზეზით;

პერიკარდიტს

გულის გარსის ანთებით პროცესს;

ენდოკარდიტს

გულის შიგნითა გარსის ინფექციას;

ჰიპერტენზიას

მაღალ არტერიულ წნევას, რომელიც წარმოადგენს გულ-სისხლძარღვთა დაავადებების მნიშვნელოვან რისკ-ფაქტორს;