გურგენიძე მამუკა

2024 - დღემდე -ენდოსკოპიისა და ენდოსკოპიური ქირურგიის დეპარტამენტის ხელმძღვანელი

1992 - 2023 - თოდუას კლინიკა, ენდოსკოპისტი

1991 - 1992 - რეგიონალური სამეცნიერო-კვლევითი კლინიკა, ენდოსკოპისტი

1991 - საერთაშორისო დიაგნოსტიკური ცენტრის ენდოსკოპიური განყოფილება, ენდოსკოპისტი

ვინ არის ენდოსკოპისტი და რა არის მისი სპეციალიზაცია?

ბოლო ათწლეულების განმავლობაში ენდოსკოპიური ტექნოლოგიების განვითარებამ არსებითად შეცვალა საჭმლის მომნელებელი სისტემის დაავადებების დიაგნოსტიკისა და მკურნალობის მიდგომები. თანამედროვე ენდოსკოპია აერთიანებს მინიმალურად ინვაზიურ ქირურგიულ ტექნიკას და ვიზუალიზაციის მაღალტექნოლოგიურ მეთოდებს, რაც იძლევა მრავალი პათოლოგიის ეფექტურად მკურნალობის საშუალებას იძლევა.

ენდოსკოპისტი კი ექიმია, რომელიც ენდოსკოპიურ პროცედურებს წარმართავს. ენდოსკოპია დიაგნოსტიკური და სამკურნალო მეთოდია, რომლის დროსაც სპეციალური მოწყობილობა,  ენდოსკოპი გამოიყენება. 

ენდოსკოპისტის ძირითადი პასუხისმგებლობა საჭმლის მომნელებელი სისტემის ორგანოების გამოკვლევა და მკურნალობაა. ის ახორციელებს ისეთ პროცედურებს, როგორიცაა:

 გასტროსკოპია - საყლაპავის, კუჭისა და თორმეტგოჯა ნაწლავის ზედა ნაწილის გამოკვლევა;

კოლონოსკოპია - მსხვილი ნაწლავის გამოკვლევა;

ენდოსკოპიური რეტროგრადული ქოლანგიოპანკრეატოგრაფია - სანაღვლე გზებისა და პანკრეასის სადინარების შეფასება და მკურნალობა;

ქირურგიული მანიპულაციები, როგორიცაა:

პოლიპექტომია - პოლიპების მოცილება ნაწლავებიდან;

სისხლდენის კონტროლი - საჭმლის მომნელებელი ტრაქტიდან სისხლდენის შეჩერება;

სტენტირება - სანაღვლე და საპანკრეასე სადინრების შევიწროების მკურნალობა სტენტის ჩადგმით;

ენდოსკოპისტი მჭიდროდ თანამშრომლობს გასტროენტეროლოგებთან, ქირურგებთან და ონკოლოგებთან. მისი საქმიანობა მნიშვნელოვანია ისეთი დაავადებების დროულ დიაგნოსტიკასა და ეფექტურ მკურნალობაში, როგორიცაა: კუჭისა და ნაწლავის ანთებითი დაავადებები, საჭმლის მომნელებელი ტრაქტის სიმსივნეები, წყლულოვანი დაავადებები, ქოლეცისტიტი და სხვა. ამრიგად, ენდოსკოპისტი მნიშვნელოვან როლს თამაშობს როგორც დიაგნოსტიკური, ისე სამკურნალო თვალსაზრისით.