იშვიათი სიმსივნეები და პერსონალიზებული მედიცინა
თოდუას კლინიკის ორგანიზებით “იშვიათი სიმსივნეებისა და პერსონალიზებული მედიცინის” მიმართულებით პირველი საერთაშორისო კონგრესი ჩატარდა.
ღონისძიებას ქართველ ონკოლოგებთან ერთად მსოფლიოს წამყვანი სამედიცინო ცენტრებიდან მოწვეული ექსპერტები დაესწრნენ.
კონგრესზე სპეციალური მომხსენებლის სტატუსით წარსდგა საქართველოს ჯანდაცვის მინისტრი მიხეილ სარჯველაძე.
ღონისძიება ონკოლოგიის სკოლის, თოდუას კლინიკისა და მოლეკულური დიაგნოსტიკის ასოციაციის ინიციატივით გაიმართა და სამი თემატური პანელის ფარგლებში 700-მდე ქართველ და უცხოელ სპეციალისტს უმასპინძლა.
