დერმატოლოგიის დეპარტამენტი დიღმის ფილიალში

რა არის დერმატოლოგია

დერმატოლოგია არის მედიცინის დარგი , რომელიც შეისწავლის კანის და მისი დანამატების ცვლილებებს, პირის ღრუსა და გენიტალური მიდამოს ლორწოვან გარსებს . დერმატოსკოპის, ტრიქოსკოპის , კანის ბიოფსიური მასალის ჰისტომორფოლოგიის და ლაბორატორიული კვლევების დახმარებით ხდება კანის დაავადებების დიაგნოსტიკა, ეფექტური მკურნალობის დაგეგმვა როგორც თერაპიული , ისე ქირურგიული მეთოდებით.

დერმატოლოგის მომსახურეობის სფეროები

დერმატოლოგის კომპეტენციაა  როგორც დაზიანებული კანის აღდგენა და დაავადებების მართვა ყველა ასაკობრივ ჯგუფში, ასევე ჯანმრთელი კანის მოვლა და ესთეტიკური ცვლილებების  კორექცია.

• სამედიცინო დერმატოლოგია
• ტრიქოლოგია
• ონიქოლოგია
• პედიატრიული დერმატოლოგია
• ქირურგიული დერმატოლოგია : კრიოთერაპია, ელექტროკოაგულაცია, კანის ბიოფსია, კიურეტაჟი.
• ესთეტიკური დერმატოლოგია: ქიმიური პილინგი, მეზოთერაპია, ბიორევიტალიზაცია, პლაზმათერაპია, მიმიკური ნაოჭების ბოტულინოთერაპია, ბიოშემავსებლების და თხევადი ძაფების კანქვეშა იმპლანტაცია.

 დერმატოლოგთან მიმართვის ჩივილები:

• კანის ქავილი
• მწვავე ან ქრონიკული ანთებითი გამონაყარი კანზე, პირის ღრუს ან გენიტალიუმის ლორწოვან გარსებზე.
• დიდი ხნის ხალი ან ლაქა კანზე , რომელიც შეიცვალა
• კანისფერი ან პიგმენტური ახალწარმონაქმნი
• ხანგრძლივად შეუხორცებელი კანის დაზიანებები.
• კანის პიგმენტაციის დარღვევა
• თმის ცვენა და სკალპის პრობლემები
• ფრჩხილების დაზიანებები
• ბუშტები და წყლულები
• ნაწიბურები

დერმატოლოგიური დაავადებები:

გადაუდებელი დერმატოლოგია  :ჭინჭრის ციება, ანგიოედემა, კვანძოვანი ერითემა, ვასკულიტი,მრავალფორმიანი ერითემა, სტივენ ჯონსონის სინდრომი/ტოქსიკური ეპიდერმული ნეკროლიზი, ერითროდერმია, ჰერპესული ეგზემა, მანეკროზებელი ფასციიტი.

კანის ინფექციები  ბაქტერიული, სოკოვანი, პარაზიტული.

კანის ანთებითი დაავადებები : ფსორიაზი, ეგზემა, აკნე, ალერგიული დერმატიტი და სხვა.

ონკოდერმატოლოგია კანის კეთილთვისებიანი სიმსივნეები, კარცინომა, მელანომა, პიგმენტური და არაპიგმენტური სიმსივნური წარმონაქმნები.

კანის პიგმენტაციის დარღვევები : მელაზმა, ვიტილიგო

კანის ბულოზური დაავადებები : პემფიგუსი, პემფიგოიდი, დიურინგის ჰერპეტიფორმული დერმატიტი და სხვა.

გამოვლინებები კანზე სხვა დაავადებების დროს: ონკოლოგიური, ღვიძლის, ენდოკრინული პათოლოგიების, ქვემო კიდურების სისხლის მიმოქცევის უკმარისობის ან ლიმფოსტაზის და სხვა დროს.