ენდოკრინოლოგიის დეპარტამენტი ვერის ფილიალში
ენდოკრინოლოგი - მაია ქობულია
ენდოკრინული სისტემა წარმოადგენს ორგანოთა ერთობლიობას, რომელიც აკონტროლებს ორგანიზმში მიმდინარე ყველა პროცესს, შესაბამისად მისი ფუნქციონირების დარღვევა იწვევს მრავალფეროვან კლინიკურ გამოვლინებას. ჰორმონული დისბალანსი შეიძლება გამოვლინდეს სხვა და სხვა ტიპის ჩივილებით, როგორიცაა: სისუსტე, შრომისუნარიანობის დაქვეითება, წონის კლება/მატება, ძილის პრობლემები, მენსტრუალური ციკლის დარღვევა, კანის მხრივ გამოვლინებები (სიმშრალე, ცხიმიანობა, თმის ცვენა, პიგმენტაციის შეცვლა და სხვ.), შეშუპება, გულსისხლძარღვთა სისტემის მხრივი ჩივილები და ა.შ.
დღეს ენდოკრინული დაავადებები მსოფლიოში ერთ-ერთ წამყვან ადგილს იკავებენ გავრცელებით და საქართველოც არ არის გამონაკლისი. ამ დაავადებებს შორის ყველაზე ხშირია ფარისებრი ჯირკვლის პათოლოგიები, შაქრიანი დიაბეტი და მეტაბოლური სინდრომი (ჭარბი წონა, პრედიაბეტი, ცხიმოვანი ცვლის დარღვევა და ა.შ.) შედარებით იშვიათი, თუმცა არანაკლებ მნიშნელოვანი და საყურადღებოა ჰიპოფიზის, თირკმელზედა ჯირკვლის, პანკრეასისა და სხვა ენდოკრინული ორგანოების ფუნქციური დარღვევები.
ენდოკრინული სისტემის დაავადებებია:
- შაქრიანი და უშაქრო დიაბეტი
- სიმსუქნე
- ჰიპო/ჰიპერთირეოზი
- აუტოიმუნური თირეოიდიტი
- კვანძოვანი ჩიყვი
- კუშინგის სინდრომი
- ადისონის დაავადება და სხვა
თოდუას კლინიკაში ხელმისაწვდომია ენდოკრინული დავადებების სადიაგნოსტიკო კვლევების სრული სპექტრი, როგორც ინსტრუმენტული, ასევე კლინიკურ-ლაბორატორიული.
ენდოკრინული დაავადებების დროული დიაგნოსტიკა და მათი მიმდინარეობის ადეკვატური მართვა აუციელებელია, რათა თავიდან ავიცილოთ მძიმე გართულებები.
ჩივილების არსებობის შემთხვევაში აუცილებელია სპეციალისტთან დროული ვიზიტი, გამომწვევი მიზეზის დადგენა და საჭიროების შემთხვევაში სწორი რეკომენდაციებისა და დანიშნულების მიღება.