გასტროენტეროლოგია

რას მოიცავს გასტროენტეროლოგიური მომსახურება? 

განყოფილებაში ტარდება გასტროენტეროლოგიური პათოლოგიების დიაგნოსტიკისა და მკურნალობის სრული სპექტრი:

• პირის ღრუსა და საყლაპავის ანთებითი, პეპტიური და ინფექციური პათოლოგიები. გასტროეზოფაგალური და ლარინგოფარინგეალური რეფლუქსების ასვე ეოზინოფილური ეზოფაგიტების მართვა. საყლაპავის წინასიმსივნური პათოლოგიების დიაგნოსტიკა და მენჯმენტი. საყლაპავის კაუსტიკური დაზიანებები.
• კუჭისა და თორმეტგოჯა ნაწლავის პეპტიური დაავადებები - მათ შორის ატროფიული გასტრიტები და სხვა წინასიმსივნური პათოლოგიების მართვა. H.pylori-სთან ასოცირებული გასტრიტებისა და სხვადასხვა წყლულოვანი თუ არაწყლულოვანი პროცესების მართვა.
• ნაღვლის ბუშტისა და სანაღვლე გზების პათოლოგიები, მათ შორის ნაღვლკენჭოვანი დაავადებები, არაკალკულოზური ბილიარული ტკივილები, აუტოიმუნური გენეზის სანაღვლე გზების პათოლოგიები. სანაღვლე გზების სხვადასხვა წინასიმსივნური პათოლოგიების მართვა და მენეჯმენტი.
• კუჭუკანა ჯირკვლის ფუნქციურ და სტრუქტურულ პათოლოგიებთან დაკავშირერებული დაავადებების მართვა. მათ შორის პანკრეასის ცისტური დაავადებების მენეჯმენტი. აუტოიმუნური თუ სხვა გენეზის პანკრეატიტების მართვა.
• ღვიძლის ქრონიკული პათოლოგიების მართვა, მათ შორის აუტოიმუნური, ალკოჰოლური, მეტაბოლური და ტოქსიური ჰეპატიტები, ღვიძლის გაცხიმოვნება და სტეატოჰეპატიტები. ციროზული და არაციროზული პორტული ჰიპერტენზიები, ასევე ციროზი და მისი მართვა.
• წვრილი და მსხვილი  ნაწლავის მალდიგესტიითა და მალაბსორბციით მიმდინარე დაავადებები. ინფექციური თუ არაინფექციური ენტერიტები და ენტეროკოლიტები. სხვადასხვა გენეზის მწვავე და ქრონიკული დიარეების მართვა. ნაწლავის არასპეციფიური ანთებები, მათ შორის არასპეციფიური წყლულოვანი კოლიტი, კრონის დაავადება და მიკროსკოპული კოლიტები, ყაბზობა
• კუჭ-ნაწლავის ტრაქტთან ასოცირებული სხადასხვა მეტაბოლური დარღვევების მართვა.

რა არის გასტროენტეროლოგია

გასტროენტეროლოგია მედიცინის დარგია, რომელიც საჭმლის მომნელებელ სისტემასა და მასთან დაკავშირებულ დაავადებებს შეისწავლის. საჭმლის მომნელებელი სისტემა კი, თავის მხრივ, ადამიანის ორგანიზმის მეტად რთული და მნიშვნელოვანი ნაწილია. ის იმ საკვები ნივთიერებების დაშლაზეა პასუხისმგებელი, რომელიც ორგანიზმმა ენერგიის, ზრდისა და განვითარებისათვის უნდა მოიხმაროს. როგორც წესი, გასტროენტეროლოგები დიაგნოსტირებენ და მკურნალობენ საყლაპავის, კუჭის, ნაწლავების, ღვიძლის, სანაღვლე გზებისა და პანკრეასის დაავადებებსა თუ დარღვევებს.

როდის უნდა მივმართოთ სპეციალისტს?

თოდუას კლინიკის გასტროენტეროლოგიური განყოფილება პათოლოგიების დიაგნოსტიკისა და მკურნალობის სრულ სპექტრს მოიცავს. 

კლინიკაში მაღალკვალიფიციურ გასტროენტეროლოგებთან ვიზიტი შესაძლოა დაგჭირდეთ იმ შემთხვევაში, თუ საჭმლის მომნელებელი სისტემის  დაავადებებისა თუ პრობლემების გარკვეული ჩივილები გაწუხებთ, მაგალითად:

საჭმლის მომნელებელი სისტემის ზოგადი პრობლემები

საჭმლის მომნელებელი სისტემის ზოგადი სიმპტომები კუჭ-ნაწლავის სისტემასთან დაკავშირებულ მიმდინარე ან ქრონიკულ პრობლემებს ეხება. ეს ჩვენებები შეიძლება მერყეობდეს მსუბუქი დისკომფორტიდან მძიმე პრობლემებამდე, მაგალითად, მუცლის ხშირი ტკივილი, შებერილობა, დიარეა, ყაბზობა ან აუხსნელი წონის კლება. მნიშვნელოვანია, რომ სიმპტომები არ უგულებელყოთ და გასტროენტეროლოგთან გაიაროთ კონსულტაცია. 

ღვიძლისა და პანკრეასის ქრონიკული დაავადებები

ღვიძლი და პანკრეასის ქრონიკული პრობლემები რთული სამედიცინო შემთხვევებია. იგულისხმება ისეთი დაავადებები, როგორებიცაა: ჰეპატიტი, ციროზი, პანკრეატიტი და ა.შ.

გასათვალისწინებელია, რომ როგორც ღვიძლის, ისე პანკრეასის ქრონიკული დაავადებები მუდმივ სამედიცინო მეთვალყურეობას საჭიროებს. 

ნაღვლის ბუშტის პრობლემები

ნაღვლის ბუშტი მნიშვნელოვან როლს ასრულებს საჭმლის მონელების პროცესში. ამ ორგანოსთან დაკავშირებული პრობლემები კი უამრავ სამედიცინო მდგომარეობას მოიცავს, მაგალითად, ნაღვლის ბუშტში კენჭების არსებობა, ქოლეცისტიტი, პოლიპები, ბილიარული კოლიკა და ა.შ. 

პირის ღრუსა და ყლაპვასთან დაკავშირებული სირთულეები

დისფაგია გავლენას ახდენს ადამიანის უნარზე, გადაყლაპოს საკვები, სითხე ან თუნდაც ნერწყვი. ამ მოვლენას შესაძლოა სხვადასხვა გამომწვევი მიზეზი ჰქონდეს, მაგალითად ნევროლოგიური - ინსულტი, პარკინსონის დაავადება, გაფანტული სკლეროზი -  წინაპირობები, პირის ღრუს, ყელის ან საყლაპავის სტრუქტურული დარღვევები და ა.შ.

ამასთანავე, გასტროენტეროლოგია პასუხისმგებელია ისეთ გართულებებზე, როგორებიცაა პირის ღრუსა და საყლაპავის ანთებით პროცესები, პეპტიტური თუ ინფექციური პათოლოგიები, წინასიმსივნური პათოლოგიების დიაგნოსტიკასა და მკურნალობის მენეჯმენტზე. 

სკრინინგი და პრევენცია 

გასტროენტეროლოგთან პრევენციული ვიზიტებით საჭმლის მომნელებელი სისტემის დარღვევებს საწყის ეტაპზევე აღმოაჩენთ, შესაბამისად, მკურნალობის პროცესი მეტად ეფექტური იქნება. 

და ბოლოს, გახსოვდეთ, რომ ადრეული დიაგნოსტიკა და მკურნალობა კუჭ-ნაწლავის დაავადებების მართვის შესაძლებლობას იძლევა.