მაგნიტურ-რეზონანსული ტომოგრაფიის დეპარტამენტი - მრტ

აღნიშნული ტომოგრაფები გამოირჩევა გამოსახულების მაღალი ხარისხით. აღჭურვილია სრული პროგრამული (ნევროლოგიური, ანგიოლოგიური, კარდიოლოგიური, ონკოლოგიური, ორთოპედიული, მუცლისა და მენჯის, პედიატრიული) უზრუნველყოფით.

ჩვენი სამედიცინო ცენტრის ტომოგრაფები გამორჩეულია

• უახლესი თაობის პროგრამული აღჭურვილობით, რომელთა საშუალებით ხდება როგორც
  სტუქტურული, ასევე ფუნქციონალური ცვლილებების შეფასება
• სპეციალური პედიატრიული პროგრამული აღჭურვილობით
  სპექტროსკოპიის, ტრაქტოგრაფიის, ღვიძლის Liver Lab-ის ჩატარების შესაძლებლობით
• რეგიონში ყველაზე ფართო და მოკლე გვირაბებით, გვირაბის Mood Light განათებით, რომელიც
  უზრუნველყოფს კლაუსტროფობიული პაციენტების კვლევის კომფორტს.
• 2021 წლის სამუშაო პლატფორმით SyngoVia, უახლესი 4G, Dot, Tim, GO ფუნქციებით
• მძიმე წონის პაციენტების გამოკვლევის შესაძლებლებლობით
• მთლიანი სხეულის და სარძევე ჯირკვლის კვლევების ჩატარების შესაძლებლობით
  
  

საჭიროების შემთხვევაში შესაძლებელია კვლევის ჩატარება სედაციით. ანესთეზიოლოგიური სამსახური კვლევის განმავლობაში უზრუნველყოფს როგორც ზრდასრული, ასევე პედიატრიული პაციენტების სედაციას.

მთლიანი ორგანიზმის კვლევა უკონტრასტო და კონტრასტული რეჟიმის გამოყენებით ტარდება, ხოლო პათოლოგიური კერის აღმოჩენისას ხდება ლოკალური უბნის დამატებითი კვლევა.

მრტ კვლევა

• თავის ტვინის სტრუქტურული კვლევა, მათ შორის სუბლიმეტრული ჭრილებით, რაც მკვეთრად ზრდის ნებისმიერი წვრილკეროვანი დაზიანების ალბათობას.
• თავის ტვინისა და კისრის მაგისტრალური სისხლძარღვების მაგნიტურ-რეზონანსული ანგიოგრაფია – აღნიშნული მეთოდი ჩვეული რენტგენოკონტრასტული გამოკვლევის არაინვაზიური ალტერნატივაა.
• თავის ტვინის ფუნქციური გამოკვლევები უმაღლესი ნერვული ფუნქციების შესწავლა, ქერქული ცენტრების ლოკალიზაცია, მეტყველების, მოძრაობის მხედველობის, მეხსიერების შესწავლა. აღნიშნული მეთოდები გვეხმარება როგორც ავადმყოფების პრექირურგიულ გამოკვლევაში, რათა თავიდან იქნას აცილებული ოპერაციული ჩარევის შედეგად ამა თუ იმ მნიშვნელოვანი კერული უბნის დაზიანება, ასევე აღნიშნული კვლევით შესაძლებელი კოგნიტური ფუნქციების დარღვევების ადრეული დიაგნოსტირება.
• თავის ტვინის თეთრი ნივთიერების ტრაქტოგრაფია – თეთრი ნივთიერების ბოჭკოების მთლიანობის, მიმართულებისა და კავშირების შესწავლა. პათოლოგიური კერების ურთიერთობის დადგენა ფუნქციურად მნიშვნელოვან ტრაქტებთან.
• დაავადების გამოსავლის პროგნოზირება თეთრი ნივთიერების დაზიანების ხარისხის შესწავლის საფუძველზე, თავის ტვინის პერფუზიული და დიფუზიური კვლევა, იშემიური დაზიანების გამოვლენა უმწვავეს სტადიაში, სიმსივნური წარმონაქმნების ხასიათის დიფერენცირება.
• ფუნდამენტური კვლევები ნეირომეცნიერების დარგში–მეხსიერების ფუნქციური კვლევა, თავის ტვინის ტრაქტოგრაფიული კვლევები.
• მუცლის ღრუს ორგანოების: ღვიძლის, ელენთის, პანკრეასის, თირკმელზედა ჯირკვლის და თირკმელების კვლევა,სანაღვლე გზების უკონტრასტო მაგნიტურ-რეზონანსული ქოლანგიოპანკრეატოგრაფია,თირკმლის დინამიური კვლევა და მაგნიტურ-რეზონანსული ანგიოგრაფია.
• მცირე მენჯის ორგანოთა დაავადებების მაგნიტურ-რეზონანსული დიაგნოსტიკა.
• საყრდენ - მამოძრავებელი სისტემის სტრუქტურული და ფუნქციური დარღვევების მაგნიტურ-რეზონანსული კვლევა.
• პედიატრიული პაციენტების მაგნიტურ-რეზონანსული კვლევა.

აღსანიშნავია რომ რეგიონში პირველად მაგნიტურ-რეზონანსული ტომოგრაფიის მიმართულება 1994 წელს სწორედ ჩვენს სამედიცინო ცენტრში აკადემიკოს ფრიდონ თოდუას მიერ დაფუძნდა.

დეპარტამენტში მომუშავე მრავალწლინი გამოცდილების მქონე ექიმები მუდმივად მონაწილეობენ და ხელმძღვანელობენ სექციებს ევროპისა და ამერიკის რადიოლოგიის ასოციაციის კონგრესებზე, ხელმძღვანელობენ რადიოლოგიურ კლინიკური კვლევების საერთაშორისო მიმართულებებს, მუდმივად აქვეყნებენ სტატიებს სხვადასხვა საერთაშორისო გამოცემებში. აღსანიშნავია თითოეული მათგანის მაღალი პროფესიონალიზმი და გულისხმიერი დამოკიდებულება პაციენტებისადმი.

მრტ-ს გადაღება

მრტ-ს გადაღება, იგივე ემერაი (MRI) არაინვაზიური სამედიცინო პრაქტიკაა, რომელიც იყენებს ძლიერ მაგნიტურ ველებს და რადიოტალღებს დეტალური სურათების შესაქმნელად. მრტ კვლევა ფართოდ გამოიყენება ჯანდაცვის სფეროში ორგანოების სტრუქტურისა და სხვადასხვა ქსოვილებისა ფუნქციის ვიზუალიზაციისთვის. მაგნიტურ-რეზონანსული ტომოგრაფია სკანირების შედეგად იძლევა მნიშვნელოვან ინფორმაციას, ეს ინფორმაცია კი სხვადასხვა სამედიცინო მდგომარეობისა დიაგნოსტიკისა და მონიტორინგისთვის გამოიყენება.

Siemens Healthineers-ის მაგნიტურ-რეზონანსული ტომოგრაფი (MRI) ერთ-ერთი საუკეთესოა აპარატია. კომპანიის მრტ სისტემები შექმნილია იმისთვის, რომ უზრუნველყოს მაღალი ხარისხის გამოსახულება. თოდუას კლინიკაში მრტ-ს გადაღება უმაღლეს დონეზეა აყვანილი და ჩვენი გუნდს მრავალწლიანი გამოცდილება აქვს ამ სფეროში.

Magnetom Vida

Magnetom Vida არის მაგნიტურ-რეზონანსული ტომოგრაფი. მას აქვს გამოსახულების განსაკუთრებული ხარისხი და BioMatrix ტექნოლოგია, რომელიც ადაპტირდება თითოეული პაციენტის უნიკალურ ფიზიოლოგიურ მახასიათებლებთან. მრტ-ს გადაღება ხშირად დისკომფორტის შემცველია, ეს აპარატი კი პაციენტს შფოთვის შემცირებაში ეხმარება. ამასთან ერთად აუმჯობესებს გამოსახულების ხარისხს. აპარატის ძლიერი მაგნიტი და გამოსახულების მიღების მოწინავე ტექნიკა საშუალებას იძლევა დეტალური გამოსახულება სხვადასხვა ანატომიური რეგიონიდან მივიღოთ.

Magnetom Skyra 

კიდევ ერთი 3 T სიმძლავრის მრტ სისტემა - Magnetom Skyra, რომელიც ცნობილია თავისი მრავალფეროვნებითა და შესაძლებლობებით. იგი აღჭურვილია Tim 4G (Total Imaging Matrix) ტექნოლოგიით, რომელიც აოპტიმიზებს გამოსახულების ხარისხსა და მიღების სიჩქარეს. 

Magnetom Skyra fit

Magnetom Skyra fit არის Magnetom Skyra 3T MRI სისტემის კომპაქტური ვერსია. ამ აპარატის მეშვეობით მრტ-ს გადაღება ძალიან მარტივდება. კომპაქტური ზომის მიუხედავად, ის ინარჩუნებს გამოსახულების მაღალ ხარისხსა და მოქნილობას.

Magnetom Lumina

წარმოგიდგენთ ძლიერი მაგნიტით და უახლესი გამოსახულების ტექნოლოგიებით აღჭურვილ Magnetom Lumina-ს. სისტემის მოსახერხებელი ინტერფეისი და გამარტივებული სამუშაო პროცესები ხელს უწყობს, როგორც პაციენტ მაქსიმალური კომფორტი ჰქონდეს, ხოლო მრტ კვლევა ბევრად ეფექტური შედეგით სრულდება.

Magnetom Aera 

ეს არის 1.5 T სიმძლავრის ემერაი აპარატი. მას აქვს Tim (Total Imaging Matrix) ტექნოლოგია, რისი დახმარებითაც მიიღება მაღალი ხარისხის გამოსახულება. (იხილეთ დეტალური ინფორმაცია აპარატის შესახებ).

Magnetom Avanto Fit

Magnetom Avanto Fit არის კომპაქტური 1.5 Tesla მრტ მოწყობილობა. იგი აღჭურვილია Tim 4G ტექნოლოგიით.

Siemens Healthineers-ის მაგნიტურ-რეზონანსული ტომოგრაფები აერთიანებენ მოწინავე აპარატურას, პროგრამულ უზრუნველყოფასა და პაციენტზე ორიენტირებულ ფუნქციებს, რათა გაიზარდოს დიაგნოსტიკური სიზუსტე, გამარტივდეს სამუშაო პროცესი, ხოლო პაციენტი მაქსიმალურად კომფორტულად იყოს გამოკვლევისას. 3 T და 1.5 T სიმძლავრის აპარატების მრავალფეროვნება საშუალებას აძლევს ჯანდაცვის პროვაიდერებს აირჩიონ სისტემა, რომელიც ზუსტად აკმაყოფილებს მათ კლინიკურ და ოპერაციულ საჭიროებებს.

მრტ კვლევა - ფასი და ხარისხი

თოდუას კლინიკაში მრტ კვლევა ფასი და ხარისხი იდეალურ ბალანსშია ერთმანეთთან. პაციენტზე ზრუნვა ჩვენი კლინიკის მთავარი პრიორიტეტია. გამოცდილი პროფესიონალების გუნდი ულტრათანამედროვე ტექნიკასა და ინოვაციურ მეთოდებს იყენებს, რათა მკურნალობისა და დიაგნოსტირების პროცესი მაქსიმალურად ეფექტური იყოს. 

ჩვენ, რა თქმა უნდა, ვცდილობთ ყველა პროცედურა ხელმისაწვდომი იყოს პაციენტისთვის.