მიკრობიოლოგიის ლაბორატორია

თანამედროვე ტექნოლოგიები უზრუნველყოფს მიღებული შედეგების სიზუსტეს, სისწრაფეს და მაღალ სანდოობას. პჯრ - ის უდავო უპირატესობას წარმოადგენს რაოდენობრივი ანალიზი, რაც შესაძლებელს ხდის ინფექციური აგენტებისა და მიკროორგანიზმების არამარტო აღმოჩენას ბიოლოგიურ მასალაში, არამედ მათ ზუსტ ხარისხობრივ და რაოდენობრივ განსაზღვრას.

ლაბორატორიაში ტარდება :

ზემო სასუნთქი გზების დაავადებების, ჩირქოვან - ანთებითი პროცესების გამომწვევი მიკროფლორის, ვირუსული, სოკოვანი, ინფექციური პათოლოგიების დიაგნოსტიკა.

სხვადასხვა ბიოლოგიური ნიმუშების: შარდის, ნახველის, ურეთრის და უროგენიტალური ნაცხის, პროსტატის სეკრეტის, ჩირქის, ჭრილობიდან აღებული მასალის ექსუდატებისა და გამონაჟონი სითხეების, თავზურგტვინის სითხის, ბაქტერიოლოგიური გამოკვლევა იდენტიფიკაცია, სისხლის სტერილობის ბაქტერიოლოგიური გამოკვლევა (მიკრობის იდენტიფიკაცია და ანტიბიოტიკების მიმართ მგრძნობელობა)

A + B ჯგუფის გრიპის ვირუსის აღმოჩენა ნაზოფარინგეალურ ნაცხში, ადამიანის პაპილომა ვირუსის მაღალი რისკის ტიპების, მიკოპლაზმა ჰომინისის და ქლამიდია ტრაქომატისის , C და B ჰეპატიტის ვირუსის აღმოჩენა და გენოტიპირება პჯრ მეთოდით რეალურ დროში.

კუჭ - ნაწლავის ტრაქტის მიკროფლორის, ჰელიკობაქტერიების ანტიგენის, როტა-ადენოვირუსების, ენტეროვირუსების, ჰემორაგიული ეშერიხია კოლის VT - 1+VT-2, კლოსტრიდიუმ დეფიცილე A+B ტოქსინის შესწავლა, იერსინია ენტეროკოლიკა-ს აღმოჩენა ფეკალურ მასაში.

ტესტი კალპროტექტინზე და ფარულ სისხლდენაზე, ნაწლავის პათოლოგიური ფლორის და დისბაქტერიოზის შესწავლა,

სპერმოგრამა - სპერმის რაოდენობრივი და  ხარისხობრივი შესწავლა აგრეთვე სათესლე სითხის ბაქტერიოლოგიური კვლევა.

კლინიკური მიკრობიოლოგიის და მოლეკულური დიაგნოსტიკის  ლაბორატორია არის თსსუ სარეზიდენტო პროგრამა ‘’ ლაბორატორიული მედიცინის“ სასწავლო ბაზა.