პაციენტის გზამკვლევი

გასტროსკოპიისთვის მომზადების წესი

 

 

რა უნდა ვიცოდეთ?

• წინა დღეს 20:00 საათის შემდეგ აკრძალულია საკვების მიღება, ნებადართულია მხოლოდ სითხეები.
• კვლევის დღეს აკრძალულია როგორც საკვების, ასევე სითხეების მიღება, მათ შორის წყლისა და მედიკამენტების.

 

კოლონოსკოპიისთვის მომზადების წესი

 

რა უნდა ვიცოდეთ ?

 

შეარჩიეთ თქვენთვის სასურველი მედიკამენტი და გაეცანით მიღების ინდივიდუალურ რეკომენდაციებს:

რეკომენდაციების შეუსრულებლობის შემთხვევაში პაციენტის ორგანიზმი არ იქნება სათანადო მდგომარეობაში და კვლევა ვერ ჩატარდება.

 

ნებისმიერი მედიკამენტის შერჩევისას მომზადება იწყება გამოკვლევამდე 24 საათით ადრე:

• გამოკვლევამდე 1-2 დღით ადრე სასურველია თავი შეიკავოთ ხილისა და ბოსტნეულის მიღებისგან.
• წინა დღეს რეკომენდებულია უხვი რაოდენობით სითხეები, მაგალითად: წყალი, გაზგასული მინერალური წყალი, მსუბუქი ჩაი.
  ძლიერი შიმშილის შემთხვევაში დასაშვებია თაფლიანი წყალი.
• 10:00 - საათამდე ნებადართულია მხოლოდ მსუბუქი საუზმე რძის პროდუქტებით, მაგალითად: იოგურტი, კეფირი, ხაჭო, არაჟანი.
• 10:00 - საათის შემდეგ საკვების მიღება აკრძალულია.

 

1. პრეპარატ მაკროლაქსის შემთხვევაში

• პირველი მიღება-14:00 საათზე. 2 პაკეტი გახსენით 1 ლიტრ ოთახის ტემპერატურის წყალში.
• ხსნარის მიღება რეკომენდებულია თანაბარი ულუფებით ერთი საათის განმავლობაში.
• მეორე მიღება - 18:00 საათზე იგივე წესით, დამატებით 2 პაკეტი.

თუ კოლონოსკოპია დანიშნულია 14:00 საათის შემდეგ, დასაშვებია პრეპარატის მიღების დროის კორექტირება:

• პირველი მიღება - გამოკვლევის წინა დღეს,18:00 საათზე.
• მეორე მიღება - კვლევის დღეს, 09:00 საათზე.

კვლევის დღეს აკრძალულია როგორც საკვების, ასევე სითხეების მიღება, მათ შორის წყლისა და მედიკამენტების.

 

 

2. პრეპარატ ფორტრანსის შემთხვევაში

• სამი პაკეტი იხსნება სამ ლიტრ ოთახის ტემპერატურის წყალში.
• მიღებული ხსნარი უნდა მიიღოთ თანაბარი ულუფებით 13:00-21:00 საათამდე.

კვლევის დღეს აკრძალულია როგორც საკვების, ასევე სითხეების მიღება, მათ შორის წყლისა და მედიკამენტების.