ალერგოლოგია - ალერგოლოგიის ცენტრი

რა არის ალერგოლოგია?

ზოგადად რომ მიმოვიხილოთ, თუ რა არის ალერგოლოგია, ეს არის სამედიცინო სპეციალობა, რომელიც ფოკუსირებულია ალერგიისა და იმუნოლოგიური დარღვევების დიაგნოზზე, მართვასა და მკურნალობაზე. ალერგოლოგია იკვლევს, თუ როგორ რეაგირებს იმუნური სისტემა სხვადასხვა ნივთიერებებსა და მის გამომწვევ ალერგიულ რეაქციებზე. 

ალერგიული რეაქციები ვითარდება მაშინ, როდესაც იმუნური სისტემა მიიჩნევს, რომ უვნებელი ნივთიერებები, რომლებიც ცნობილია როგორც ალერგენები, საფრთხეს წარმოადგენენ ჩვენი ორგანიზმისთვის. საერთო ალერგენებს მიეკუთვნება ყვავილის მტვერი, შინაური ცხოველების ქერქი, გარკვეული საკვები, მედიკამენტები და ა.შ. როდესაც ალერგიის მქონე პირი შედის კონტაქტში ალერგენთან, მათი იმუნური სისტემა აწარმოებს სპეციფიკურ ანტისხეულებს, რომელსაც ეწოდება იმუნოგლობულინი E (IgE). ანტისხეულები იწვევენ ისეთი ქიმიკატების გამოყოფას, როგორიცაა ჰისტამინი. ქიმიკატები თავის მხრივ წარმოქმნიან ალერგიასთან დაკავშირებულ სიმპტომებს: ქავილი, ცემინება, ჭინჭრის ციება, სუნთქვის პრობლემები და ა.შ.

ალერგოლოგი არის სამედიცინო სპეციალისტი, რომელიც სპეციალიზებულია ალერგიისა და იმუნოლოგიური დარღვევების იდენტიფიცირებასა და დიაგნოსტირებაში. ალერგოლოგი აფასებს პაციენტების სამედიცინო ისტორიას, ატარებენ გამოკვლევებს და უნიშნავს ტესტებს, რათა დადგინდეს კონკრეტული ალერგენები, რომლებიც იწვევენ პაციენტის სიმპტომებს.

დიაგნოზის საფუძველზე, ალერგოლოგები ამუშავებენ პერსონალიზებულ მკურნალობის გეგმებს პაციენტებისთვის. მკურნალობის ვარიანტები შეიძლება მოიცავდეს ალერგენის თავიდან აცილების სტრატეგიებს, მედიკამენტების მართვას და ა.შ. 

ალერგოლოგია ასევე მოიცავს იმუნური სისტემის სხვა დარღვევების შესწავლას და მკურნალობას, მათ შორის აუტოიმუნური დაავადებების, იმუნოდეფიციტების და ჰიპერმგრძნობელობის რეაქციების ჩათვლით. ალერგოლოგები მჭიდროდ თანამშრომლობენ სხვა ჯანდაცვის სპეციალობებთან: დერმატოლოგია, პულმონოლოგია და პედიატრია, რათა საუკეთესო სერვისი შესთავაზონ პაციენტებს.

თოდუას კლინიკაში პროფესიონალთა გუნდი დაგხვდებათ. გუნდს ხელმძღვანელობს გამოცდილი ექიმი ალერგოლოგი თამარ ბარბლიშვილი. ალერგოლოგია თოდუას კლინიკაში უმაღლეს დონეზეა აყვანილი და დეპარტამენტს აქვს უახლესი ტექნოლოგიები, რაც აუცილებელია დაავადების იდენტიფიცირებისთვის და შემდგომ მკურნალობისთვის.

თოდუას კლინიკაში მიმდინარეობს სხვადსხვა ალერგიული დაავადების მართვა/მკურნალობა, ესენია:

• ალერგიული რინიტი
• ბრონქული ასთმა
• ურტიკარია (ე.წ. ჭინჭრის ციება)
• ანგიონევროზული შეშუპება (კვინკეს შეშუპება)
• ატოპიური დერმატიტი
• წამლისმიერი ალერგია
• კვებითი ალერგია
• მედიკამენტური ალერგია
• ალერგია მწერის ნაკბენზე და მზეზე

სიმპტომები 

სიმპტომები, რომელთა არსებობის შემთხვევაში რეკომენდებულია ალერგოლოგიური კუთხით გამოკვლევების ჩატარება:

• ცემინება, ცხვირის გაჭედილობა და ქავილი, წყლისებური გამონადენი ცხვირიდან
• თვალების სიწითლე, ქავილი, ცრემლდენა
• მსტვინავი სუნთქვა, შებოჭილობა გულმკერდის არეში, სუნთქვის გაძნელება, ხველა
• ტუჩების, ენის, ქუთუთოების, სახის შესივება
• მუცლის ტკივილი, ჭვალი, ღებინება ან დიარეა
• მშრალი, დამსკდარი, წითელი კანი ქავილით

პაციენტებში, რომელთა ალერგიული ჩივილები გამოვლინდება სასუნთქი სისტემის მხრივ, გარკვეული ნოზოლოგიების დროს მნიშვნელივანია ჩატარდეს ისეთი გამოკვლევები, როგორებიცაა სპირომეტრია და ამოსუნთქულ ჰაერში აზოტის ოქსიდის განსაზღვრა.

თოდუას კლინიკა აღჭურვილია MicroLab Mk8 და NObreath თანამედროვე აპარატურით, რაც საშუალებას გაძლევთ ჩაიტაროთ ზემოთ აღნიშნული კვლევები.