ქირურგიული გინეკოლოგიის დეპარტამენტი

გინეკოლოგიური ქირურგია ქალის რეპროდუქციული ჯანმრთელობის განუყოფელი ნაწილია. მედიცინის ეს მიმართულება იმ ნებისმიერ ქირურგიულ პროცედურას მოიცავს, რომელიც ქალის მენჯის მიდამოს უკავშირდება, ეს შეიძლება იყოს საშვილოსნო, საკვერცხეები, საშვილოსნოს ყელი, ფალოპის მილები და ა.შ. სამედიცინო ტექნოლოგიებისა და ქირურგიული მეთოდების განვითარების შედეგად, ამ სფერომ დიდი ტრანსფორმაცია განიცადა, რაც გართულებების ეფექტურ მკურნალობას უწყობს ხელს. 

ქირურგიული ჩარევები შესაძლოა გულისხმობდეს წანაზარდების, დაზიანებული ქსოვილების ან მთლიანი ორგანოს ამოკვეთას. გახსოვდეთ, რომ ადრეული დიაგნოსტიკა და ადეკვატური მკურნალობა მნიშვნელოვნად ზრდის გამოჯანმრთელების შანსებს. 

მედიცინის ეს დარგი მნიშვნელოვან როლს თამაშობს იმ პრობლემების მოგვარებაში, რომლებიც ქალის ნაყოფიერებასა და რეპროდუქციულ ჯანმრთელობაზე ახდენს გავლენას. ისეთ პროცედურებს, როგორებიცაა ენდომეტრიოზის ლაპარასკოპია ან ფიბრომის მოცილება, ტკივილისა და დისკომფორტის შემსუბუქების, ნაყოფიერების ბარიერის მოხსნისა და ჩასახვის შანსების გაზრდა შეუძლია. 

ისეთმა  მდგომარეობებმა, როგორებიცაა საშვილოსნოს ფიბრომა, ენდომეტრიოზი, საშვილოსნოს პათოლოგიური სისხლდენა და ა.შ. შესაძლოა დიდი დისკომფორტი გამოიწვიოს და ცხოვრების ხარისხის გაუარესებაზე მნიშვნელოვნად იმოქმედოს. ქირურგიული გინეკოლოგია კი ამ პრობლემების მქონე ქალებს გამოსავალს სთავაზობს. 

ქირურგიული გინეკოლოგია თოდუას კლინიკაში

თითოეული ქალის რეპროდუქციული ჯანმრთელობა ინდივიდუალურ მიდგომასა და მკურნალობის გეგმას საჭიროებს. “თოდუას კლინიკაში” გინეკოლოგიური ოპერაციის დაგეგმვა პაციენტის ჯანმრთელობის მდგომარეობის, მისი სიმძიმისა და შვილოსნობასთან დაკავშირებული სამომავლო გეგმების გათვალისწინებით ხდება. მაღალკვალიფიციური ექიმების დახმარებით კი გართულებების ეფექტური მართვა ხდება შესაძლებელი.

თოდუას კლინიკის გინეკოლოგიურ განყოფილებაში მკურნალობა უტარდებათ პაციენტებს ისეთი პათოლოგიების დროს, როგორიცაა:

• უშვილობის ქირურგიული დიაგნოსტიკა და მკურნალობა
• სადიაგნოსტიკო ლაპაროსკოპია
• ფალოპის მილების გამავლობის შემოწმება და აღდგენა-ფიმბრიოპლასტიკა
• მცირე მენჯის შეხორცებების გათიშვა
• ენდომეტრიოზის ქირურგიული მკურნალობა
• საკვერცხის კისტების და სხვა კეთილთვისებიანი წარმონაქმნების ლაპაროსკოპიული ქირურგია

ჰისტეროსკოპია

ჰისტეროსკოპია სამედიცინო პროცედურაა, რომელიც მკურნალ ექიმს საშვილოსნოს დეტალური დათვალიერებისა და სხვადასხვა პათოლოგიების აღმოჩენის შესაძლებლობას აძლევს. აღნიშნული მანიპულაცია ჰისტეროსკოპის გამოყენებით ტარდება - თხელი, მანათობელი მილი საშვილოსნოს ყელისა და შიდა ნაწილების შესამოწმებლად შეჰყავთ. ჰისტეროსკოპია შესაძლოა იყოს როგორც დიაგნოსტიკური, ასევე ოპერაციული ხასიათის.

თოდუას კლინიკაში" ჰისტეროსკოპია შემდეგი პათოლოგიების დროს ტარდება:

• საშვილოსნოს ღრუს პოლიპები
• ენდომეტრიუმის ჰიპერპლაზია-საშვილოსნოს სუბმუკოზური კვანძი
• საშვილოსნოს ღრუს ჰისტეროსკოპიული პლასტიკა, საშვილოსნოს განვითარების მანკების დროს (საშვილოსნოს ღრუს არასრული და სრული ტიხარი, T- სებური საშვილოსნო)

ონკო-გინეკოლოგიური ქირურგია

ონკო-გინეკოლოგიური პათოლოგიების ქირურგიულ მკურნალობას ქალის ჯანმრთელობის საკითხებში გადამწყვეტი მნიშვნელობა აქვს, რადგან სიმსივნური დაავადებებისათვის ქირურგიული მანიპულაციები პირველადი და პოტენციურად ეფექტური სამკურნალო საშუალებაა. სიმსივნური წანაზარდის ან ორგანოს მოცილება დაავადების რემისიის წინაპირობაა, განსაკუთრებით მაშინ, თუ დიაგნოზი ადრეულ ეტაპზეა დასმული.

“თოდუას კლინიკაში” ონკო-გინეკოლოგიური პათოლოგიების ქირურგიული მკურნალობა ლაპაროსკოპიით და მუცელკვეთით ტარდება და შემდეგ დაავადებებს მოიცავს:

• საკვერცხის კიბო
• საშვილოსნოს ყელის ავთვისებიანი სიმსივნე
• საშვილოსნოს ტანის კიბო
• ვულვის კიბო 

გახსოვდეთ, რომ ექიმთან კონსულტაცია და დაავადებების ადრეული დიაგნოსტიკა, ეფექტური მკურნალობის წინაპირობაა.