საყოველთაო დაზღვევა თოდუას კლინიკაში

 

საყოველთაო დაზღვევა არის სახელმწიფო ჯანდაცვის პროგრამა. მის ფარგლებში პაციენტებს გადაუდებელი და გეგმიური სტაციონარული მომსახურება, ამბულატორიული სერვისები, მედიკამენტები და დიაგნოსტიკა უფინანსდებათ. თოდუას კლინიკა არის პროგრამის პროვაიდერი. შესაბამისად, პაციენტებს დაფინანსებული სერვისებით სარგებლობა სამივე ფილიალში შეუძლიათ.

ჯანმრთელობის პრობლემების დროს სწორი ინფორმაციის ქონა ძალიან მნიშვნელოვანია. ბევრმა ადამიანმა არ იცის, თუ როგორ მუშაობს სახელმწიფო პროგრამა. მათ სხვადასხვა ინფორმაცია აინტერესებთ. მათ შორის ისიც, თუ რომელი კლინიკა მოემსახურებათ. თოდუას კლინიკა სრულად არის ჩართული ამ პროცესში. ჩვენ მაღალი ხარისხის სამედიცინო სერვისს გთავაზობთ.

 

საყოველთაო ჯანდაცვის პროგრამის ძირითადი პრინციპები

საყოველთაო ჯანდაცვა არის მასშტაბური სახელმწიფო პროგრამა. მისი მიზანია სამედიცინო მომსახურების ხელმისაწვდომობის გაზრდა. პროგრამის ბენეფიციარია საქართველოს ყველა ის მოქალაქე, რომელსაც კერძო დაზღვევა არ აქვს.

სახელმწიფოს მიერ შემუშავებულია რამდენიმე ძირითადი მოდელი. კონკრეტული საყოველთაო დაზღვევის პაკეტი დამოკიდებულია მოქალაქის სოციალურ სტატუსსა და შემოსავალზე. შესაბამისად, საყოველთაო დაზღვევა პაკეტები იყოფა სხვადასხვა კატეგორიებად. ეს კატეგორიები განსაზღვრავს სახელმწიფო თანაგადახდის პროცენტს.

ამ პროგრამაში განსაკუთრებული როლი ეკუთვნის პირველად ჯანდაცვას. საყოველთაო დაზღვევა ოჯახის ექიმი არის ადამიანი, რომელიც პაციენტის მდგომარეობის პირველად შეფასებაზე ზრუნავს. ის გაგსინჯავთ და პირველად დიაგნოზს დაგისვამთ. საჭიროების შემთხვევაში, ექიმი მიმართვას გასცემს ვიწრო სპეციალისტთან. მიმართვის, ანუ ფორმა 100-ის გარეშე გეგმიური სერვისები არ ფინანსდება. ამიტომ, ნუ გამოტოვებთ ამ მნიშვნელოვან საფეხურს.

 

რას აფინანსებს პროგრამა - სერვისების ჩამონათვალი

პაციენტებს ხშირად აინტერესებთ, რა სერვისების მიღება შეუძლიათ ფასდაკლებით ან უფასოდ. პროგრამა ბევრ ძალიან მნიშვნელოვან მიმართულებას მოიცავს.

• გადაუდებელი სტაციონარი: ტრავმები, გულის შეტევა, მოწამვლა და სხვა კრიტიკული მდგომარეობები სრულად ფინანსდება. ასეთ დროს წუთებიც მნიშვნელოვანია. სახელმწიფო იხდის ხარჯების 100%-ს. პაციენტს არ უწევს თანხის დამატება. ეს ეხება ინტენსიურ თერაპიას და რეანიმაციულ მომსახურებასაც.
• გეგმიური სტაციონარი: ეს გულისხმობს წინასწარ დაგეგმილ ქირურგიულ ჩარევებს. ბევრს აინტერესებს, საყოველთაო დაზღვევა ოპერაციის დაფინანსება როგორ ხდება გეგმიურ რეჟიმში. ასეთ დროს მოქმედებს თანაგადახდის პრინციპი. სახელმწიფო ფარავს თანხის 70 ან 80%-ს. დარჩენილ მცირე ნაწილს თავად პაციენტი იხდის.
• ამბულატორიული სერვისები: პროფილაქტიკა ჯანმრთელობის საწინდარია. აქ შედის სხვადასხვა პროფილის ექიმის კონსულტაციები. ასევე ფინანსდება საბაზისო დიაგნოსტიკა, როგორიცაა ელექტროკარდიოგრამა ან ექოსკოპია.
• მედიკამენტები: ქრონიკული დაავადებების მქონე პირებისთვის წამლები სასიცოცხლოდ მნიშვნელოვანია. ფინანსდება წნევის, გულის და სხვა ქრონიკული დაავადებების მედიკამენტები. წამლები გაიცემა მხოლოდ ამბულატორიული რეცეპტის საფუძველზე.
• ონკოლოგია: სიმსივნესთან ბრძოლა რთული და ძვირადღირებულია. ონკოლოგიური პაციენტებისთვის მოქმედებს სპეციალური, გაფართოებული პირობები. ფინანსდება როგორც ონკოლოგიური ქირურგია, ისე ქიმიოთერაპია. ასევე ანაზღაურდება სხივური თერაპიის კურსები.
• დიაგნოსტიკა: ლაბორატორიული კვლევები, როგორიცაა სისხლის ან შარდის საერთო ანალიზი, ფინანსდება. რთული ინსტრუმენტული კვლევებიც ანაზღაურდება ექიმის შესაბამისი ჩვენების დროს. სურვილის შემთხვევაში შეგიძლიათ ჩაიტაროთ უმაღლესი ხარისხის კვლევები. მაგალითად, ისარგებლოთ ჩვენი Check-Up პროგრამებით, თუმცა წინასწარ უნდა გადაამოწმოთ დაფინანსების წესები თქვენი ოჯახის ექიმთან.

პროგრამა არ ფარავს ესთეტიკურ პლასტიკურ ქირურგიას. ასევე არ ანაზღაურდება სტომატოლოგიური მომსახურების უდიდესი ნაწილი. სანატორიულ-კურორტული მკურნალობა და სარეაბილიტაციო მასაჟებიც არ შედის ამ სიაში.

 

დაფინანსებული სერვისები თოდუას კლინიკაში

თოდუას კლინიკა არის მულტიპროფილური სამედიცინო ცენტრი, რომელიც ულტრათანამედროვე ტექნოლოგიებითაა აღჭურვილი. ჩვენი ექიმები უმაღლესი კვალიფიკაციით გამოირჩევიან. მრავალი წელია კლინიკა სახელმწიფოსთან წარმატებით თანამშრომლობს.

თუ გაინტერესებთ საყოველთაო დაზღვევა დაფინანსება როგორ ხორციელდება ჩვენს კლინიკაში, პასუხი მარტივია. ჩვენთან მოქმედებს სახელმწიფოს მიერ დადგენილი ყველა სტანდარტული წესი. თქვენ იღებთ ზუსტად იმავე ფინანსურ პირობებს, რასაც სხვაგან, თუმცა სარგებლობთ გამორჩეული სამედიცინო ხარისხით.

ჩვენთან შემდეგი კონკრეტული მიმართულებები ფინანსდება:

• ქირურგია: ვატარებთ როგორც მარტივ, ისე ურთულეს გეგმიურ და გადაუდებელ ოპერაციებს;
• კარდიოლოგია და კარდიოქირურგია: გულის დაავადებათა ზუსტი დიაგნოსტიკა, სტენტირება და ღია ქირურგიული მკურნალობა;
• ონკოლოგია: სრული ონკოლოგიური სპექტრი. ქიმიოთერაპია უახლესი პროტოკოლებით;
• ტრავმატოლოგია: ძვალ-სახსართა სისტემის დაზიანებების მართვა. ენდოპროთეზირება;
• ნეიროქირურგია: თავის და ზურგის ტვინის ურთულესი ჩარევები;
• ენდოსკოპია: კუჭ-ნაწლავის ტრაქტის კვლევები, უმტკივნეულოდ და უსაფრთხოდ;
• ლაბორატორია: სისხლის და სხვა ბიოლოგიური მასალის კვლევები. ლაბორატორია გასცემს უზუსტეს პასუხებს ძალიან მოკლე დროში. დეტალური ინფორმაციისთვის იხილეთ თოდუას კლინიკის სერვისები.

დაფინანსებული სერვისების მიღება შეგიძლიათ ნებისმიერ ლოკაციაზე. ჩვენი სამივე ფილიალი მზად არის თქვენს მისაღებად. მოგვმართეთ ცენტრალურ, ვერის ან დიღმის კლინიკაში.

 

რეფერალური დახმარების სახელმწიფო პროგრამა

ზოგჯერ ძირითადი სახელმწიფო პაკეტი სამედიცინო ხარჯებს სრულად არ ფარავს. ასეთ დროს არსებობს რეფერალური დახმარება. ეს არის სპეციალური დამატებითი ფინანსური მექანიზმი. იგი ეხმარება პაციენტებს კრიტიკულ და რთულ ფინანსურ სიტუაციებში. რეფერალური დახმარება ფარავს იმ სხვაობას, რასაც ძირითადი პროგრამა ვერ იხდის.

მიმართვა შეუძლიათ კონკრეტულ ჯგუფებს. პირველ რიგში, ესენი არიან სოციალურად დაუცველი პირები. ასევე პენსიონერები, ვეტერანები და შეზღუდული შესაძლებლობის მქონე პირები. თუმცა, განცხადების შეტანა, განსაკუთრებული საჭიროების და მაღალი ხარჯების დროს, ნებისმიერ სხვა მოქალაქესაც შეუძლია.

პროცესი რამდენიმე ეტაპს მოიცავს. ჯერ იწერება განაცხადი ჯანდაცვის სამინისტროში. განაცხადს თან უნდა ერთოდეს კლინიკიდან გაცემული კალკულაცია და ფორმა 100. შემდეგ სპეციალური კომისია განიხილავს საქმეს. დამტკიცების შემთხვევაში, თანხმობის წერილი და თანხა პირდაპირ ირიცხება კლინიკაში. ამის მერე იწყება უშუალოდ მკურნალობა. ფინანსდება ძვირადღირებული ოპერაციები, ონკოლოგიური მკურნალობა და კარდიოქირურგიული ჩარევები. ჩვენს კლინიკაში სრულად არის შესაძლებელი ამ დახმარებით სარგებლობა.

 

მერიის / გამგეობის საგარანტიო წერილები

დამატებითი დაფინანსების კიდევ ერთი ეფექტური წყაროა მუნიციპალური საგარანტიო წერილები. თბილისის მერია და რაიონული გამგეობები აქტიურად ეხმარებიან მოქალაქეებს სამედიცინო ხარჯების დაფარვაში.

ამ დახმარების მისაღებად მოქალაქე უნდა იყოს რეგისტრირებული შესაბამის მუნიციპალიტეტში. პროცედურა მარტივია. პაციენტი წარადგენს კლინიკის კალკულაციას და განცხადებას გამგეობაში. განხილვის შემდეგ გაიცემა საგარანტიო წერილი. პაციენტს ეს წერილი მოაქვს კლინიკაში ხარჯების ასანაზღაურებლად. თოდუას კლინიკა აქტიურად იღებს მერიისა და გამგეობების საგარანტიო წერილებს.

 

როგორ მივიღოთ დაფინანსებული მომსახურება თოდუას კლინიკაში - ნაბიჯ-ნაბიჯ ინსტრუქცია

ჩვენთან სამედიცინო სერვისების მიღება ძალიან მარტივად შეგიძლიათ. უბრალოდ ქვემოთ მოცემულ ინსტრუქციას უნდა მიჰყვეთ:

• მიმართეთ პირად ექიმს: პირველ რიგში, მიდით პირველადი რგოლის დაწესებულებაში, სადაც ხართ დარეგისტრირებული. ექიმი თქვენი ჯანმრთელობის მდგომარეობას შეაფასებს. ის გამოგიწერთ შესაბამის მიმართვას ანუ ფორმა ასს.
• დარეკეთ კლინიკაში: დაგვიკავშირდით ნომერზე 032 2 57 57 57. ჩვენი გამოცდილი ოპერატორები პასუხს ნებისმიერ კითხვაზე გაგცემენ. თქვენ წინასწარ გაარკვევთ, ფინანსდება თუ არა თქვენთვის საჭირო კონკრეტული სერვისი.
• მობრძანდით ადგილზე: მობრძანდით კლინიკაში წინასწარ დანიშნულ დროს. აუცილებლად თან იქონიეთ პირადობის დამადასტურებელი მოწმობა. ასევე არ დაგავიწყდეთ ექიმის მიერ გაცემული მიმართვის ფორმა.
• გაიგეთ მეტი ალტერნატივებზე: თუ ძირითადი დაფინანსება არასაკმარისია, იკითხეთ რეგისტრატურაში რეფერალური პროგრამის შესახებ. ასევე გაარკვიეთ მერიის საგარანტიოს დეტალები.

გაიგეთ მარტივად, ფინანსდება თუ არა თქვენთვის საჭირო სამედიცინო სერვისი ძირითადი პროგრამით, რეფერალით ან საგარანტიო წერილით.

 

დაგვირეკეთ ნომერზე 032 2 57 57 57 ან პირადად მობრძანდით თოდუას კლინიკის ნებისმიერ ფილიალში სრული და ამომწურავი ინფორმაციის მისაღებად.

 

ხშირად დასმული კითხვები

რას აფინანსებს საყოველთაო დაზღვევა?

სახელმწიფო პროგრამა აფინანსებს გადაუდებელ სტაციონარულ მომსახურებას (100%), გეგმიურ ოპერაციებს (თანაგადახდით), ამბულატორიულ კონსულტაციებს, ლაბორატორიულ და ინსტრუმენტულ დიაგნოსტიკას, მედიკამენტებს, ონკოლოგიურ მკურნალობას. დაფინანსების მოცულობა დამოკიდებულია პაკეტის ტიპზე. დეტალებისთვის მიმართეთ ოჯახის ექიმს ან დარეკეთ თოდუას კლინიკაში.

 

შესაძლებელია თუ არა სახელმწიფო პროგრამით ოპერაციის დაფინანსება?

დიახ, საყოველთაო დაზღვევა აფინანსებს როგორც გადაუდებელ, ისე გეგმიურ ოპერაციებს. გადაუდებელი ქირურგია სრულად ფინანსდება, გეგმიური ოპერაციები - თანაგადახდის პრინციპით (სახელმწიფო ფარავს ნაწილს, პაციენტი იხდის დარჩენილს). თუ პროგრამა არ ფარავს ხარჯებს სრულად, შესაძლებელია რეფერალური სისტემით ან მერიის საგარანტიოთი დამატებითი დაფინანსების მიღება.

 

მოქმედებს თუ არა საყოველთაო დაზღვევა თოდუას კლინიკაში?

დიახ, თოდუას კლინიკა არის სახელმწიფო ჯანდაცვის პროგრამის პროვაიდერი. დაფინანსებული სერვისებით ისარგებლებთ სამივე ფილიალში - ცენტრალური, ვერა და დიღომი. ასევე მიიღება რეფერალური დაფინანსება და მერიის/გამგეობის საგარანტიო წერილები. ინფორმაციისთვის დაგვირეკეთ: 032 2 57 57 57.